Sot, ne datë 27 Dhjetor, 2022, me festat e fundvitit Kryeinspektori i Inspektoratit të Punës së Republikës së Kosovës, z. Hekuran Nikçi, ndau mirënjohje për të pensionuarit e Inspektoratit të Punës.
Për kontributin e dhënë dhe mbështetjen e treguar për Inspektoratin e Punës, mirënjohje ju nda: Gëzim Turkut, Rrahman Bashotës, Faik Jasharit, Sahit Kastratit dhe Adem Bajramajt.
Dhjetor, 2022
Sot me 20 Dhjetor në zyrat e drejtorisë së Inspektoratit të Punës së Republikës së Kosovës janë dhuruar katër (4) kompjuterë nga Q.P.A (Qendra për politika dhe avokim) në bashkëpunim me C.D.F (Community Development Fund).
Inspektorati i Punës si agjenci ekzekutive përkundër rëndësisë së madhe që ka në mbikëqyrjen e implementimit të legjislacionit të punës, vazhdon të ballafaqohet ndër të tjera edhe me mungesë të kapaciteteve teknike.
Kryeinspektori i Inspektoratit të Punës, z. Hekuran Nikçi, me rastin e pranimit të këtij donacioni falëndëroj donatorët duke synuar në vazhdimin e bashkëpunimit të ndërsjellët për zhvillimin e Inspektoratit të Punës.
Këta katër (4) kompjuterë do të ndihmojnë që Inspektorati i Punës t’i kryej detyrat e tij më shpejt e më mirë.
Dhjetor, 2022.
Sot, me datë 14 Dhjetor, 2022 është mbajtur konferenca për nisjen e fushatës për të drejtat e punës me titull, “Punë e denjë për jetë të dinjitetshme.”
Fushata ka për qëllim ngritjen e vetëdijës së punëdhënësve dhe punëtorëve për të drejtat e punës si të drejta univerzale për jetë të dinjitetshme.
Kjo fushatë mundësohet nën udhëheqjen e Ministrisë së Financave, Punës dhe Transfereve dhe mbështetet nga ambasada suedeze në Kosovë.
Ndërsa, partnerët zbatues të kësaj fushate janë Inspektorati i Punës, Administrata Tatimore, Organizata Ndërkombëtare e Punës (ILO), UNWOMEN, CDF, IKS, QPA dhe LENS.
Fushata vetëdijësuese, “Punë e denjë për jetë të dinjitetshme” do të zgjas deri në Maj, 2023.
Dhjetor, 2022.
Ju njoftojmë se Inspektorati i Punës i Republikës së Kosovës bëhët anëtar zyrtar i rregullt i ENETOSH (Rrjeti evropian për arsimim dhe trajnime për sigurinë dhe shëndetin në punë).
ENETOSH ofron një platformë për shkëmbimin sistematik të njohurive dhe përvojës mbi edukimin dhe trajnimin në lidhje me sigurinë, shëndetin dhe mirëqenien në vendin e punës.
Inspektorati i Punës me anëtarësimin në këtë rrjet evropian synon ngritjen e kapciteteve dhe njohurive, dhe shkëmbimin e përvojave me ENETOSH në lidhje me arsimimin dhe trajnimin për sigurinë dhe shëndetin në vendin e punës për subjektet që operojnë në Republikën e Kosovës.
Klikoni në linkun në vazhdim për tu lidhur me faqen zyrtare të ENETOSH: https://enetosh.net/news.html
Nëntor, 2023
Sot me 23 Nëntor në zyrat e Drejtorisë së Inspektoratit të Punës, Kryeinspektori z. Hekuran Nikçi priti në takim z. Richard Heater dhe znj. Raba Gjoshi, zyrtarë të Sektorit Politik-Ekonomik pranë Ambasadës Amerikane në Prishtinë.
Në takim u diskutua për problemet që Inspektorati i Punës ka, mbikqyrjen e zbatimit të ligjeve nga ana e Inspektoratit të Punës me theks punën e fëmijëve në Republikën e Kosovës.
Për më tepër, në takim u diskutua për metodat e parandalimit të këtij fenomeni të kundërligjshëm dhe rolin e Sektorit Politik-Ekonomik të Ambasadës Amerikane në Prishtinë dhe Inspektoratit të Punës në trajtimin e kësaj çështje.
Z. Nikçi dhe z. Heater u dakorduan për bashkëpunim dhe takime tjera me qëllimin e mbikqyrjes sa më efikase të ligjeve që Inspektorati i Punës mbikqyr zbatimin e tyre.
Nëntor, 2022
Kryeinspektori i Inspektoratit të Punës së Republikës së Kosovës, z. Hekuran Nikçi, po qëndron në Bilbao të Spanjës duke marrë pjesë në samitin për siguri dhe shëndet në punë të organizuar nga #euosha (EU OSHA).
Në këtë samit z. Nikçi po përfaqëson Inspektoratin e Punës të Republikës së Kosovës ku po takon figura me rëndësi për sigurinë dhe shëndetin në punë në Evropë dhe më gjërë, me qëllimin e themelimit të bashkëpunimit për zhvillimin e Inspektoratit të Punës së Republikës së Kosovës.
Nëntor, 2022
Dje me 7 Tetor, zv. Kryeinspektori për Shëndet në Punë z. Jovica Filipoviq u përcoll për në pensionim nga stafi i Inspektoratit të Punës.
Më këtë rast, Kryeinspektori i Inspektoratit të Punës, z. Hekuran Nikçi e falenderoi z. Filipoviq për kontributin e tij për Inspektoratin e Punës duke i ndarë mirënjohje për këtë kontribut.
Z. Filipoviq falënderoi kolegët e Inspektoratit të Punës për bashkëpunimin e mirë që kishin ndër vite.
Z. Filipoviq në Inspektoratin e Punës ka punuar për pesëmbëdhjet vite.
Tetor, 2022
Sot me 6 Tetor, në zyrat e drejtorisë së Inspektoratit të Punës, Kryeinspektori i Inspektoratit të Punës së Republikës së Kosovës, z. Hekuran Nikçi, takoi z. Tobias Seiberlich, menaxher i projektit “Fit for jobs” nga GIZ.
Gjatë këtij takimi z. Nikçi e njoftoi z. Seiberlich me problemet dhe sfidat që z. Nikçi ka gjetur në IP, po përballet me to dhe menyrat e adresimit të tyre.
Z. Seiberlich shprehi gatishmerinë e bashkëpunimit të GIZ me IP-në me qëllimin e zhvillimit të IP-së.
Z. Nikçi dhe z. Seiberlich u dakorduan për takime të radhës me qëllimin e koordinimit të bashkëpunimit mes IP dhe GIZ.
Tetor, 2022.
Kryeinspektori i Inspektoratit të Punës, z. Hekuran Nikçi, sot me datë 09.08.2022 ka vizituar zyrat e Divizionit për Koordinim Rajonal – Prishtinë. Në këtë vizit z. Nikçi u takua me Udhëheqësin e Divizionit për Kordinim Rajonal – Prishtinë, z. Ahmet Delollin, si dhe me inspektorat e punës të këtij Divizioni.
Z. Nikçi u informua nga afër me problemet dhe sfidat që Divizionin për Kordinim Rajonal – Prishtinë i ka, ku u zotua që bashkarisht do t’i zgjidhin ato.
Z. Delolli ia prezantoi z. Nikçit Planin e Veprimit të Divizionin për Kordinim Rajonal për regjionin e Prishtinës, plan ky në kuadër të Planit Vjetor 2022 të Inspektoratit të Punës.
Z. Hekuran Nikçi në këtë vizitë u shoqërua nga zv. Kryeinspektorët z. Agim Millaku dhe z. Murat Vokshi.
Me ketë vizitë, kryeinspektori i IP-së, z. Hekuran Nikçi, përfundon vizitat e tij zyrtare nëpër Divizionet e Koordnimeve Rajonave të Inspektoratit të Punës, vizita këto në bazë të planit të veprimit të zyrës së Kryeinspektorit.
Gusht, 2022
Sot me datë 21 Korrik, 2022 Kryeinspektori i Inspektoratit të Punës, z. Hekuran Nikçi, ka takuar Drejtorin e Përgjithshëm të Administratës Tatimore të Kosovës, z. Ilir Murtezajn.
Në këtë takim, z. Nikçi u mirëprit nga z. Murtezaj dhe ud zv. Drejtori i Përgjithshëm i ATK-së, z. Nijazi Asllani në ambientet e drejtorisë së përgjithshme të ATK-së.
Z. Nikçi i njoftoi të parët e ATK-së rreth sfidave dhe problemeve që Inspektorati i Punës ka ku kërkoi bashkëpunimin dhe bashkërendimin e veprimeve të IP-së dhe ATK-së, veçanërisht atyre në fushën e inspektimeve.
Gjithashtu, z. Murtezaj mirëpriti kërkesen e z. Nikçit për bashkërendimin e veprimeve të IP-së dhe ATK-së ku njëkohësisht vendosi në gatishmëri bashkëpunimin e ATK-së me IP-në.
Takimi u mbyll me dakordim të veprimeve konkrete mes IP-së dhe ATK-së të cilat do të ndodhin shpejt.
Korrik, 2022