Inspektorati Qendror i Punës, gjatë inspektimeve në terren, ka ndërmarrë masa për ndalimin e përkohshëm të punimeve në 8 objekte ndërtimi në Rajonin e Prishtinës dhe 1 objekt ndërtimi në Ferizaj.
Gjatë inspektimeve janë konstatuar parregullsi në zbatimin e masave për siguri dhe shëndet në punë.
Për këtë arsye, punimet janë ndaluar përkohësisht, deri në eliminimin e parregullsive dhe krijimin e kushteve të sigurta për punë.
Inspektorati Qendror i Punës u kërkon punëdhënësve që të respektojnë kërkesat ligjore për siguri dhe shëndet në punë, me qëllim të parandalimit të aksidenteve në vendin e punës.