Inspektorati Qendror i Punës ka nisur inspektimin në Klan Kosova, pas raportimeve publike lidhur me pretendimet e shtatë ish-punonjësve, të cilët kanë dhënë dorëheqje duke ngritur shqetësime për shkelje të të drejtave të tyre nga marrëdhënia e punës.
Inspektimi është iniciuar në bazë të ankesave të pranuara me shkrim dhe raportimeve publike për shkeljet e pretenduara nga punëdhënësi.
Inspektorati Qendror i Punës do të veprojë në përputhje me legjislacionin në fuqi dhe, varësisht nga gjetjet e inspektimit, do të ndërmarrë masat përkatëse ligjore.