Inspektorati Qendror i Punës (IQP), në kuadër të bashkëpunimit ndërinstitucional dhe zbatimit të detyrave sipas planifikimeve strategjike për parandalimin dhe luftimin e çdo forme të trafikimit me njerëz, gjatë periudhës 10–15 nëntor 2025, ka marrë pjesë në një operacion të gjerë inspektues të koordinuar me:
- Policinë e Kosovës,
- Inspektoratin e Mbikëqyrjes së Tregut – MINT,
- Administratën Tatimore të Kosovës – ATK,
- Njësitë mbështetëse të DHTNJ dhe DMH.
Ky operacion është zhvilluar në kuadër të Planit Operativ “Vjeshta 2025”, i cili ka për qëllim identifikimin, parandalimin dhe adresimin e të gjitha formave të abuzimit, trafikimit dhe shkeljeve të legjislacionit të punës në sektorët me rrezik të shtuar.
Kontributi dhe rezultatet e Inspektoratit Qendror të Punës
Inspektorati Qendror i Punës ka kryer 123 inspektime të drejtpërdrejta në kuadër të këtij operacioni, duke përfshirë inspektime nga Mardhënia e Punes dhe inspektime nga Siguria dhe Shëndeti në Punë:
50 lokale të natës (Muzikë Live)
73 qendra të masazhit
Fokus i inspektimeve ka qenë:
Marrëdhënia e punës (kontratat, orari i punës, pagat, të drejtat e punëtorëve, leja e punës për puntor migrant etj)
Siguria dhe shëndeti në punë (SHP)
Identifikimi i punës joformale dhe subjekteve të paregjistruar.
Rezultatet kryesore të inspektimeve
Nga 50 lokalet e natës të inspektuara
6 lokale janë mbyllur për shkelje administrative të konstatuara nga MINT dhe Inspektorati.
Nga 73 qendrat e masazhit të inspektuara
5 qendra të masazhit janë mbyllur për mosrespektim të kërkesave ligjore dhe shkelje të rënda administrative.
Qëllimi i operacionit
- Ky aksion i përbashkët ka pasur për qëllim:
- Rritjen e mbrojtjes së punëtorëve dhe sigurisë së tyre në sektorët me rrezik të lartë;
- Identifikimin dhe parandalimin e punës joformale;
- Ndërprerjen e aktiviteteve të paligjshme që mund të lidhen me trafikim me njerëz;
- Rritjen e efikasitetit në zbatimin e ligjeve përmes bashkëpunimit ndërinstitucional.
Angazhimi i Inspektoratit Qendror të Punës
Inspektorati Qendror i Punës mbetet i përkushtuar që:
- Të vazhdojë kontrollet në të gjitha komunat e vendit;
- Të forcojë bashkëpunimin me institucionet e sigurisë dhe administratës shtetërore;
- Të garantojë respektimin e të drejtave të punëtorëve dhe zbatimin e legjislacionit të punës pa kompromis.
Inspektorati Qendror i Punës
“Për një vend pune më të sigurt, më të drejtë dhe në përputhje me ligjin”